ନକଲି ସସ୍ କାରଖାନା ଠାବ

ମାତ୍ର ୧୬ ଟଙ୍କାରେ ବିକ୍ରି ହେଉଥିଲା ସସ୍ ବୋତଲ । ସେଥିରେ ମିଶୁଥିଲା ବେଞ୍ଜୋଇକ୍ ଏସିଡ୍ ଭଳି କ୍ଷତିକାରକ କେମିକାଲ୍ । ଭୁବନେଶ୍ୱର ଭିମଟାଙ୍ଗି ଅଂଚଳରେ ନକଲି ସସ୍ କାରଖାନା ଠାବ ଘଟଣାରେ, ଏଭଳି ଚିନ୍ତାଜନକ ସୂଚନା ଦେଇଛି ଖାଦ୍ୟ ନିରାପତ୍ତା ବିଭାଗ । ଖାଦ୍ୟ ନିରାପତ୍ତା ନିର୍ଦ୍ଦେଶକ କହିଛନ୍ତି, ଭୁବନେଶ୍ୱର ମାର୍କେଟରେ ଅତି ଶସ୍ତାରେ ବିକ୍ରି ହେଉଥିଲା ନକଲି ସସ୍ । ସେଥିରେ ବିଷାକ୍ତ କେମିକାଲ, କୃତ୍ରିମ ରଙ୍ଗ, ଏସିଟିକ୍ ଏସିଡ୍ ଓ ବେଞ୍ଜୋଇକ୍ ଏସିଡ୍ ମିଶାଯାଉଥିଲା । ଏହି ବେଞ୍ଜୋଇକ୍ ଏସିଡ୍ କାରଖାନା ମାନଙ୍କରେ ବ୍ୟବହାର କରାଯାଏ ।
ସେପଟେ ନକଲି ସସ୍ ବିକ୍ରି କରୁଥିବା ଦୋକାନୀଙ୍କୁ ସତର୍କ କରାଇଛି ବିଭାଗ । ସାରା ରାଜ୍ୟରେ ଏନେଇ ଜୋରଦାର ଚଢ଼ାଉ ହେବ ବୋଲି କହିଛନ୍ତି ଖାଦ୍ୟ ନିରାପତ୍ତା ବିଭାଗର ନିର୍ଦ୍ଦେଶକ । ସେପଟେ ଅପମିଶ୍ରଣ ରୋକିବାକୁ ଜୋରଦାର ଚଢାଉ ପାଇଁ ବିଭାଗୀୟ ଅଧିକାରୀଙ୍କୁ ଖାଉଟି କଲ୍ୟାଣ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।