ପୁଣି ବାଘ….!! ବଳଦକୁ ଟାଣିନେଇ ମାରିଲା ।

ଭଂଜନଗର – ପୁଣି ବଳଦ କୁ ମାରିଲା । ଅଧାଖାଇ ଜଙ୍ଗଲ କୁ ଚାଲିଗଲା । ବନବିଭାଗ ମଧ୍ୟ, ଘଟଣା ସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି । ଏବେ ଜଗନ୍ନାଥପ୍ରସାଦ ବନାଞ୍ଚଳରେ ପୁଣି ବାଘ ଉପଦ୍ରବ ଆରମ୍ଭ କରିଛି । ଶୁକ୍ରବାର ଦିନ ଦ୍ବିପହରରେ ଜଗନ୍ନାଥପ୍ରସାଦ ବନାଞ୍ଚଳ ଅନ୍ତର୍ଗତ ଡ଼ିମିରିପଲ୍ଲୀ ଗାଁ ନିକଟରେ ଘଟିଛି ଏଭଳି ଘଟଣା ।  ଏହି ବନାଞ୍ଚଳରେ ପ୍ରଥମେ ତିରିକୁମ୍ପା  ତା’ପରେ ହଜପଲ୍ଲୀ ଏବଂ ଏବେ ଡ଼ିମିରିପଲ୍ଲୀ  ଗାଁ ନିକଟରେ ଏହିଭଳି ଘଟଣା ସାମ୍ନା କୁ ଆସିଛି  I ମିଳିଥିବା ଖବର  ଅନୁସାରେ ଜଗନ୍ନାଥ ପ୍ରସାଦ   ଲଙ୍କାଗଡ଼ ପାହାଡ଼ ନିକଟରେ ଥିବା ଡ଼ିମିପଲ୍ଲୀ ଗ୍ରାମର ପ୍ରକାଶ ପ୍ରଧାନ ନିଜ ବିଲରେ ଚାଷ କରିବା କୁ ବଳଦ ଧରି ଯାଇଥିଲେ l  ଚାଷ କାର୍ଯ୍ୟ  କରିସାରିବା ପରେ ବଳଦ ଦୁଇଟିକୁ ଚରିବା ପାଇଁ  ଛାଡି ଦେଇ ଘରକୁ ଫେରି ଆସିଥିଲେ  l  କିଛି ସମୟପରେ ଗୋଟିଏ ବଳଦ ଘରକୁ ଫେରି ଆସିଥିବା ବେଳେ ଅନ୍ୟଟି ଆସିନଥିଲା I ଚାଷୀ ଜଣକ, ଉକ୍ତ ବଳଦକ ଖୋଜିବା ପାଇଁ ନିକଟସ୍ଥ ଜଙ୍ଗଲକୁ ଯାଇଥିଲେ l ବହୁ ଖୋଜା ଖୋଜି ପରେ ଜଙ୍ଗଲ ପାଖ ଏକ ବୁଦା ମୂଳେ ତାଙ୍କ ବଳଦଧ କ୍ଷତବିକ୍ଷତ ମୃତ ଦେହ ପଡ଼ିଥିଲା । ଏହା ଦେଖିବା ପରେ ବଳଦ ଟିକୁ ବାଘମାରି ଖାଇ ଦେଇଥିବା ଅନୁମାନ କରାଯାଇଛି I ଖବର ପାଇ  ବନ ବିଭାଗ ଘଟଣା ସ୍ଥଳରେ ପହଞ୍ଚିଥିଲା । ଘଟଣା ସ୍ଥଳରେ  ଟ୍ରାପ କ୍ୟାମେରା ଲଗାଇ ବାଘ ଚିହ୍ନଟ ପାଇଁ ବନ ବିଭାଗ ପ୍ରୟାସ ଆରମ୍ଭ କରିଛି ।ଏହି ଘଟଣା ପ୍ରଘଟ ହେବାପରେ ସ୍ଥାନୀୟ ଲୋକେ  ଭୟଭୀତ ହୋଇ ପଡିଛନ୍ତି । ଘଟଣା ସ୍ଥଳରେ ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ଏସିଏଫଓ ବିବେକ ଦାସ,  ରେଞ୍ଜର ସୁଜାତା ପଣ୍ଡା, ଫରେଷ୍ଟର ସୁକାନ୍ତ କୁମାର ନାୟକ ଘଟଣା ସ୍ଥଳରେ ପହଂଚି ତଦନ୍ତ ଚଳାଇଛନ୍ତି I