ବଢିଚାଲିଛି ସାଇବର୍‌ ଠକେଇ

ରାଜ୍ୟରେ ବଢିଚାଲିଛି ସାଇବର୍‌ ଠକେଇ । ଦିନକୁ ଦିନ ନୂଆ ନୂଆ ତରିକାରେ ସାଇବର ଠକମାନେ ଲୁଟ୍‌ ଚଳାଇଛନ୍ତି । ଫୋନ୍ କଲ୍, SMS, ହ୍ୱାଟସ୍‌ ଆପ୍ ମାଧ୍ୟମରେ ଲୋଭନୀୟ ଅଫର ଦିଆଯାଉଛି । କାହାକୁ ଲଟେରୀ, କାହାକୁ ଗାଡ଼ି ତ ଆଉ କାହାକୁ ସହଜରେ ଋଣ କରିଦେବାକୁ ଆସୁଛି ଅଫର୍ । ସାଇବର ଲୁଟେରାଙ୍କ ଟାର୍ଗେଟରେ ଅଛନ୍ତି ସାଧାରଣ ଜନତା । କିଛି ଏହାକୁ ଅଣଦେଖା କରୁଛନ୍ତି, ଆଉ କିଛି ଲୁଟେରାଙ୍କ କଥାରେ ପଡ଼ି ସର୍ବସ୍ୱାନ୍ତ ହେଉଛନ୍ତି। ନିରୀହ ଉପଭୋକ୍ତା ସାଇବର ଲୁଟର ଶିକାର ହେବା ପରେ ସାଇବର ଥାନାରେ ଦ୍ୱାରସ୍ଥ ହେଉଛନ୍ତି।