ମହାନ୍ ସଂଘର ବାର୍ଷିକ ଉତ୍ସବ ନେଇ ପ୍ରତିଯୋଗିତା କାର୍ଯ୍ୟକ୍ରମ

• ଦ୍ୱିତୀୟ ପର୍ଯ୍ୟାୟ ବିଭିନ୍ନ ପ୍ରତିଯୋଗିତାରେ ସାମିଲ ହେଲେ ଛାତ୍ରୀ ଓ ମହିଳା

ବ୍ରହ୍ମପୁର, ୨୬/୧୦ (ଅଭିଜିତ କର): ସ୍ଥାନୀୟ ଗୁଡ଼ସ ରୋଡ଼ ସ୍ଥିତ ଗୁରୁକୁଳ ଇଣ୍ଟରନେସେନାଲ୍ ପବ୍ଲିକ୍ ସ୍କୁଲ ପରିସରରେ ରବିବାର ମହାନ୍ ସଂଘର ଚାଳିଶି ତମ ବାର୍ଷିକ ମସୋତ୍ସବ ଅବସରରେ ଦ୍ୱିତୀୟ ପର୍ଯ୍ୟାୟ ପ୍ରତିଯୋଗିତା ଆୟୋଜିତ ହୋଇଯାଇଛି। ସଂଘ ସଭାପତି ସୁଶାନ୍ତ ସାବତଙ୍କ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ବିଭିନ୍ନ ବର୍ଗର ଛାତ୍ରଛାତ୍ରୀଙ୍କ ସମେତ ଗୃହିଣୀ ମାନେ ମଧ୍ୟ ଅଂଶ ଗ୍ରହଣ କରିଥିଲେ। ଯେଉଁଥିରେ କି, ନୃତ୍ୟ, ସଂଗୀତ ସହ ମହିଳାଙ୍କ ଦ୍ୱାରା ରଙ୍ଗୋଲି, ଝୋଟି, ମେହେନ୍ଦି, ବିନା ଅଗ୍ନିରେ ଖାଦ୍ୟ ପ୍ରସ୍ତୁତି, ହୁଳହୋଳି ଓ ଶଙ୍ଖ ଧ୍ଵନି ପ୍ରଦର୍ଶନ ଭଳି ବିଭିନ୍ନ ପ୍ରତିଯୋଗିତା ରଖା ଯାଇଥିଲା। ଏଥିରେ ଉତ୍ତୀର୍ଣ୍ଣ ହୋଇଥିବା ସମସ୍ତ ବିଜୟୀଙ୍କୁ ଆସନ୍ତା ନଭେମ୍ବର ୨ ତାରିଖ ଦିନ ଗଞ୍ଜାମ କଳା ପରିଷଦ ଠାରେ ଅନୁଷ୍ଠିତ ହେବାକୁଥିବା ବାର୍ଷିକ ଉତ୍ସବ କାର୍ଯ୍ୟକ୍ରମ ମାନ୍ୟଗଣ୍ୟ ଅତିଥି ମାନଙ୍କ ଦ୍ଵାରା ବିତରଣ କରାଯିବ ବୋଲି ସଭାପତି ଶ୍ରୀ ସାବତ କହିଛନ୍ତି। ଏଥିରେ ନୃତ୍ୟ ବିଚାରକ ଭାବେ ଅମ୍ବିକା ଦାଶାରୀ, ଡି.ସମୀର, ସଂଙ୍ଗିତା ପାଣିଗ୍ରାହୀ, ଇନ୍ଦ୍ରାଣୀ ସାବତ, ଶ୍ରୀମତୀ ସୁନନ୍ଦା ମହାପାତ୍ର ପ୍ରମୁଖ ଦାୟିତ୍ଵ ତୁଲାଇ ଥିବା ବେଳେ, ସମ୍ପାଦକ ପ୍ରଶାନ୍ତ କୁମାର ପାତ୍ରଙ୍କ ସଂଯୋଜନାରେ ମନୋରଞ୍ଜନ ପାଢି, ଉମା ଶଙ୍କର ପାଣି, ପ୍ରକାଶ ଚନ୍ଦ୍ର ଭାଜାନି, ତପନ କୁମାର ପଣ୍ଡା, ଶ୍ରୀମତୀ ମୀନା ଦାଶ, ସୁଦିପ ସାହୁ, ପୁଷ୍ପାଞ୍ଜଳି ମହାପାତ୍ର, ଗାୟତ୍ରୀ ପଣ୍ଡା, ସାଧନା ପାଢି, ସୁନନ୍ଦା ମହାପାତ୍ର, ନଳୀନି ସାହୁ, ମନୋଜ କୁମାର ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା ସହଯୋଗ କରିଥିଲେ। ଏହି କାର୍ଯ୍ୟକ୍ରମ ସମସ୍ତ ଅଭିଭାବକଙ୍କ ଉପସ୍ଥିତିରେ ଅନୁଷ୍ଠିତ ହୋଇଥିଲା ବେଳେ ପ୍ରତିଦ୍ବନ୍ଦୀ ମାନଙ୍କ ମଧ୍ୟରେ ବହୁ ଉତ୍ସାହ ଓ ଉଦ୍ଦୀପନା ଦେଖିବାକୁ ମିଳିଥିଲା।

Abhijit Kar (Journalist)

District Correspondent

MANTHAN Odia Daily Newspaper

BERHAMPUR, GANJAM

7008342882 / 7894703727

abhijitkara1995@gmail.com