687 କେ ଜି ଗଞ୍ଜେଇ ଜବତ, ଦୁଇ ଗିରଫ

ରାୟଗଡା ଜିଲ୍ଲା ଗୁଣପୁର ପୋଲିସ ଗଞ୍ଜେଇ ଚୋରା ଚାଲାଣ ଅଭିଯୋଗ ରେ ଦୁଇ ଜଣଙ୍କୁ ଗିରଫ କରିଛନ୍ତି l ଗିରଫ ଦୁଇ ଅଭିଯୁକ୍ତ ହେଲେ ଗଜପତି ଜିଲ୍ଲା ଅଡବା ଥାନା ଅଧୀନ ଅନ୍ତରବା ଗ୍ରାମ ଜୁଶୟ ରାଇତ ଏବଂ ମୁକେଶ ମଣ୍ଡଳ ବୋଲି ଜଣାପଡିଛି l ଦୁହେଁ ଏକ ମ୍ୟlକ୍ସ ପିକ ଅପ ଭ୍ୟାନ ରେ ଗଞ୍ଜେଇ ଆନ୍ଧ୍ର କୁ ଚୋରା ଚାଲାଣ କରୁଥିବା ବେଳେ ଗୁଣପୁର ପୋଲିସ ଧର ପଗଡ଼ କରି ଗାଡି କୁ ଧରିବା ସହ 687 କେଜି ଗଞ୍ଜେଇ ଜବତ କରିଥିଲେ l ଏଥି ସହ ସେମାନଙ୍କ ନିକଟରୁ ଦୁଇଟି ମୋବାଇଲ ଫୋନ ଏବଂ 750 ଟଙ୍କା ଜବତ କରାଯାଇଥିବା ଆଇ ଆଇ ସି ଉତ୍ତମ କୁମାର ସାହୁ ପ୍ରେସ ବିଜ୍ଞପ୍ତିରେ ସୂଚନା ପ୍ରଦାନ କରିଛନ୍ତି l ଶନିବାର ସକାଳେ ପୋଲିସ ଏସ ଆଇ ଲଷ୍ମୀ ପରଜା ଙ୍କ ନେତୃତ୍ୱ ରେ ଖର୍ଲିଙ୍ଗ ଆର ଏମ ସି ଚେକ ପୋଷ୍ଟ ଠାରେ ପୋଲିସ ଚଢ଼ାଉ କରି ଗଞ୍ଜେଇ ଜବତ କରିଥିଲେ l ଗିରଫ ଦୁଇ ଅଭିଯୁକ୍ତ ଙ୍କୁ ରବିବାର କୋର୍ଟ କରାଯାଇଛି l