ବାଘମରି, ବେଗୁନିଆ ଏବଂ ସୀମର ରାସ୍ତା ଉପରେ ବର୍ଷା ପାଣିର ସୁଅ

ଖୋର୍ଦ୍ଧା : ଗତ ୪/୫ ଦିନ ବର୍ଷା ଲାଗିଥିବାରୁ ଆଜି ଭୋରରୁ ଖୋର୍ଦ୍ଧା ବଲାଙ୍ଗୀର ୫୭ ନମ୍ୱର୍ ଜାତୀୟ ରାଜପଥ ଉପରେ ୩ ରୁ ୪ ଫୁଟ ପାଣିର ସୁଅ ଚାଲି ଥିବାର ଦେଖିବାକୁ ମିଳିଛି। ଯାନ ବାହାନ ଏବଂ ଲୋକଙ୍କ ଯାତାୟାତ ରେ ଅସୁବିଧାର ସମ୍ମୁଖୀନ ହେବାର ଦେଖିବାକୁ ମିଳଥିଲା। ବାଘମାରି ଠାରୁ ବେଗୁନିଆ ଏବଂ ବାଘମାରି ଠାରୁ ସୀମାର ରାସ୍ତା ଉପରେ ପାଣିର ସୁଅ ଚାଲି ଥିବା ବେଳେ ଅନେକ ଘର ଏବଂ ଦୋକାନ ଘର ପାଣିରେ ରହି ଥିବାର ଦେଖିବାକୁ ମିଳିଥିଲା।

ଖୋର୍ଦ୍ଧା ପୋଲିସ ଟିମ୍ ସହ ଏସ ଡି ପି ଓ ଦିଲୀପ କୁମାର ଦାସ ବାଘମରିରରେ ପହଂଚି ପରିସ୍ଥିତିର ସମ୍ମୁଖୀନ କରି ସ୍ଥାନୀୟ ଲୋକଙ୍କ ସହଯୋଗ କ୍ରମେ ଧୀରେ ଧୀରେ ଯାନ ବାହନ ଯିବା ଆସିବାର ବେବସ୍ତା କରିଥିଲେ। ବେଗୁନିଆ ବୋଲଗଡ଼ର ନିର୍ବାଚନ ମଣ୍ଡଳୀର ବିଧାୟକ ପ୍ରଦୀପ କୁମାର ସାହୁ ଆସି ପରିସ୍ଥିତି ଅନୁଧ୍ୟାନ କରିଥିଲେ। ବର୍ଷା ପୂର୍ବରୁ ପ୍ରଶାସନ ଏଥି ପ୍ରତି ଆଗରୁ ଧ୍ୟାନ ଦେଇଥିଲେ ପରିସ୍ଥିତିରେ ସୁଧାର ହୋଇପାରିଥାନ୍ତା। ଏହା ପ୍ରତି ବର୍ଷ ପ୍ରବଳ ବର୍ଷା ଏବଂ ବନ୍ୟା ଜଳର ପରିସ୍ଥିତିରେ ଦେଖିବାକୁ ମିଳୁଛି। ଏହାର କୌଣସି ସମାଧାନର ବାଟ ହୋଇପାରୁନାହିଁ।