ବାଇକ୍ ସହ ଗଞ୍ଜେଇ ଜବତ, ଦୁଇ ଗିରଫ

ବୌଦ୍ଧ ଜିଲ୍ଲା ଘଣ୍ଟାପଡ଼ା ପୋଲିସ ପକ୍ଷରୁ ଚଢାଉ କରି ଗଞ୍ଜେଇ ସହ ବାଇକ୍ ଜବତ କରିଥିବା ବେଳେ ଦୁଇ ଗଞ୍ଜେଇ ବେପାରୀକୁ ଗିରଫ କରିଛି l ସୂଚନା ଅନୁସାରେ ଘଣ୍ଟାପଡ଼ା ପୋଲିସ ପକ୍ଷରୁ ପେଟ୍ରୋଲିଂ କରୁଥିବା ସମୟରେ ଘଣ୍ଟାପଡ଼ା ସମଲେଶ୍ଵରୀ ଛକ ନିକଟରେ ଏକ ଟିଭିଏସ ଆପାଚୀ ବାଇକ୍ ସହ ଦୁଇ ଜଣ ଯୁବକ ଠିଆ ହୋଇଥିବା ବେଳେ ସନ୍ଦେହରେ ତାକୁ ତଦନ୍ତ କରିଥିଲେ l ତଦନ୍ତ ପରେ ବାଇକରୁ ଗଞ୍ଜେଇ ମିଳିଥିବା ବେଳେ ବାଇକ୍ ଓ ଗଞ୍ଜେଇ ଜବତ କରିବା ସହ ଦୁଇ ଯୁବକଙ୍କୁ ଗିରଫ କରିଛି l ଗିରଫ ଦୁଇ ଯୁବକ ହେଲେ ଅକ୍ଷୟ ଶିକାରୀ ( ୨୧) ଓ ମହେଶ ଶିକାରୀ (୧୯) ବୋଲି ଜଣା ପଡିଛି l ଏ ସଂକ୍ରାନ୍ତରେ ଘଣ୍ଟାପଡ଼ା ଥାନାରେ ୧୧୭/୨୪ରେ ଏକ ମାମଲା ରୁଜୁ କରି ଦୁଇଜଣ ଗଞ୍ଜେଇ ବେପାରୀ କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ମାଧବଚନ୍ଦ୍ର ଟାକ୍ରି ସୂଚନା ଦେଇଛନ୍ତି l