ଚାକିରି ନାଁରେ ଲକ୍ଷ ଲକ୍ଷ ଠକେଇ

ଚାକିରି କରେଇ ଦେବା ନାଁରେଲକ୍ଷ ଲକ୍ଷ ଟଙ୍କା ଠକେଇ ଅଭିଯୋଗ ରେ ଗିରଫ ହେଲେ ବିଜେଡି ରୁ ବହିଷ୍କୃତ ସସ୍ମିତା ମାଝି । ଜଗତସିଂହପୁର ରୁ ସସ୍ମିତା ଙ୍କୁ ଗିରଫ କରିଛି ମାଥିଲି ପୋଲିସ । ମାଥିଲି ଜୋନ – ୩ ର ଜିଲା ପରିଷଦ ସଭ୍ୟ ସସ୍ମିତା ମାଝି । ତାଙ୍କ ନାଁରେ ମାଥିଲି ଥାନାରେ ଚାକିରି ନାଁ ରେ ଠକେଇ ଅଭିଯୋଗ ହୋଇଥିଲା । ସଂପୃକ୍ତ ଥିବା ରମେଶ ରାଉତ ଙ୍କୁ ପୂର୍ବରୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏପଟେ ବିଜେଡି ନେତା ଜୀବନ ସାହୁ ଫେରାର ହୋଇଛନ୍ତି । ତେବେ ଚାକିରି ଦେବା ନାଁରେ ମାଥିଲି ଅଂଚଳର କିଛି ଲୋକଙ୍କ ଠାରୁ ଲକ୍ଷାଧିକ ଟଙ୍କା ଆଦାୟ ହୋଇଥିଲା । ପ୍ରତିଷ୍ଠିତ ବ୍ୟକ୍ତିଙ୍କ ନାଁ କହି ଚାକିରି ଦେବାକୁ କୋଟି କୋଟି ଟଙ୍କା କାରବାର ହୋଇଥିଲା । ଏ ନେଇ ଠକେଇ ର ଶିକାର ହୋଇଥିବା ଅଭିଯୋଗକାରୀ ମାଥିଲି ଥାନା ରେ ଲିଖିତ ଅଭିଯୋଗ କରିଥିଲେ । ତେବେ ପୋଲିସ ର ତଦନ୍ତ ଜାରି ରହିଥିବାବେଳେ ସସ୍ମିତା ମାଝିଙ୍କୁ ଆଜି ଗିରଫ କରାଯାଇଛି ।ତାଙ୍କୁ ମାଥିଲି ଡାକ୍ତରଖାନାରେ ମେଡ଼ିକାଲ ଚେକ୍ପ ପରେ କୋଟ ଚାଲାଣ କରାଯାଇଛି। ଏପଟେ ଜୀବନ ସାହୁ ନାମକ ବ୍ୟକ୍ତି ଫେରାର ହୋଇଛନ୍ତି । ଏହାକୁ ନେଇ ମାଥିଲି ରେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି।