ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ଗହଣରେ ଜନ୍ମ ଦିନ ପାଳନ କଲେ ଯୁବ ବ୍ୟବସାୟୀ ଦୀପକ ପଣ୍ଡା !

କନ୍ଧମାଳ : ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ଗହଣରେ ପହଞ୍ଚି ନିଜ ଜନ୍ମ ଦିନକୁ ନିଆରା ଢଙ୍ଗରେ ପାଳନ କରିଛନ୍ତି ବାଲିଗୁଡା ସହରର ଯୁବ ବ୍ୟବସାୟୀ ଦୀପକ ପଣ୍ଡା ! ଗୁରୁବାର ଦିନ ଦୀପକ ପଣ୍ଡା ନିଜ ପରିବାରଙ୍କୁ ସାଥିରେ ନେଇ ପ୍ରଥମେ ବାଲିଗୁଡା ସ୍ଥିତ ଜରା ନିବାସରେ ପହଞ୍ଚିଥିଲେ ! ସେଠାରେ ରହୁଥିବା ବୃଦ୍ଧ ନିରାଶ୍ରୟ ବାପା ମାଆ ମାନଙ୍କ ଠାରୁ ଆଶୀର୍ବାଦ ଗ୍ରହଣ କରିବା ସହ ସାଥିରେ ନେଇଥିବା ଜଳଖିଆ ଓ ମିଷ୍ଠାନ ବଣ୍ଟନ କରିଥିଲେ ! ଏହା ପରେ ସେ ରେଡ଼କ୍ରସ ଦୃଷ୍ଟି ବାଧିତ ବିଦ୍ୟାଳୟରେ ପହଞ୍ଚି ଦିବ୍ୟାଙ୍ଗ ଛାତ୍ରଛାତ୍ରୀ ଓ ବିଦ୍ୟାଳୟ କତୃପକ୍ଷଙ୍କ ଗହଣରେ କେକ କାଟି ଜନ୍ମ ବାର୍ଷିକୀ ପାଳନ କରିଥିଲେ ! ଏହି ଅବସରରେ ଛାତ୍ରଛାତ୍ରୀ ସ୍ୱାଗତ ସଙ୍ଗୀତ ଗାନ କରିବା ସହ ଜନ୍ମ ବାର୍ଷିକୀରେ ଶୁଭେଛା ଜଣାଇଥିଲେ !

ଯୁବ ବ୍ୟବସାୟୀ ଦୀପକ ପଣ୍ଡା ଦୀର୍ଘ ବର୍ଷ ଧରି ନିଜ ଜନ୍ମ ବାର୍ଷିକୀ ଉତ୍ସବକୁ ସେ ଦିବ୍ୟାଙ୍ଗ ଛାତ୍ରଛାତ୍ରୀ ଓ ନିରାଶ୍ରୟ ବୃଦ୍ଧ ବାପା ମାଆଙ୍କ ଠାରେ ପାଳନ କରି ଆସୁଛନ୍ତି ! ଆଉ ଏହି ଅବସରରେ ଶ୍ରୀ ପଣ୍ଡା ସମସ୍ତ ଛାତ୍ରଛାତ୍ରୀଙ୍କୁ ଜଳଖିଆ ବଣ୍ଟନ ସହ ଦୁଇ ଗୋଟି କାନ୍ଥ ଘଣ୍ଟା ପ୍ରଦାନ କରିଛନ୍ତି ! ଦୈନନ୍ଦିନ ସମୟ ଜାଣିବା ଲାଗି ଅନେକ ସମୟରେ ଦିବ୍ୟାଙ୍ଗ ଛାତ୍ରଛାତ୍ରୀ ଅସୁବିଧା ହେଉଥିବା ଜାଣି ସେ ସେମାନଙ୍କୁ ସୂଚନା ପ୍ରଦାନ କାରୀ କାନ୍ଥ ଘଣ୍ଟା ପ୍ରଦାନ କରିଥିବା କହିଛନ୍ତି !

ଅନ୍ୟଅଟେ ଶ୍ରୀ ପଣ୍ଡାଙ୍କ ଜନ୍ମଦିନ ପାଳନ ପରିପ୍ରେକ୍ଷୀରେ ବନବାସୀ ସେବାସମିତିର କମିଟି ସଦସ୍ୟ ବିଶ୍ଵଜିତ ଜେନା, ରେଡକ୍ରସ ଦୃଷ୍ଟି ବାଧିତ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରତାପ ରୁଦ୍ର ଶୁକ୍ଳା, ଯୁବ ଆଇନଜୀବୀ ଅନୀଲ ଦାସ, ସାମ୍ବାଦିକ ଅଜିତ ନାୟକ, ଫିଲିପ ଦିଗାଳଙ୍କ ସମେତ ଦୀପକ ପଣ୍ଡାଙ୍କ ଧର୍ମପତ୍ନୀ ପ୍ରତିଭା ପାଣିଗ୍ରାହୀ ଓ ମାଆ ନଳିନୀ ପଣ୍ଡା ଓ ତାଙ୍କ ଝିଅ କୀର୍ତ୍ତିକା ପ୍ରିୟ ଦର୍ଶିନୀ ପଣ୍ଡା,ହୃଷିକେଶ ପାଣିଗ୍ରାହୀ ଉପସ୍ଥିତ ରହିଥିଲେ ! ପ୍ରତିବର୍ଷ ଯୁବ ବ୍ୟବସାୟୀ ଦୀପକ ପଣ୍ଡା ନିଜ ଜନ୍ମ ଦିନକୁ ନିଆରା ଢଙ୍ଗରେ ପାଳନ କରି ଆସୁଥିବା ନେଇ ବିଦ୍ୟାଳୟ କତ୍ତୃପକ୍ଷ ଓ ଅତିଥି ତାଙ୍କୁ ସାଧୁବାଦ ଜଣାଇଥିଲେ !