ଫିଲ୍ମ ଷ୍ଟାଇଲରେ ଗଞ୍ଜେଇ ଗାଡିକୁ ଅଟକାଇ ୨ ଯୁବକଙ୍କୁ କାବୁ କଲା ଦାରିଙ୍ଗବାଡି ପୋଲିସ !

କନ୍ଧମାଳ : ଦାରିଙ୍ଗବାଡି ପୋଲିସ ଆଜି ଅପରାହ୍ନରେ ଗଞ୍ଜେଇ ନେଇ ଯାଉଥିବା ଏକ ମାଲବାହୀ ମାକ୍ସ ପିକଅପ ଗାଡିକୁ ଅଟକାଇବା ସହ ୨ ଯୁବକଙ୍କୁ କାବୁ କରିଛି ! ଘଟଣା ସ୍ଥଳରୁ ଅନ୍ୟ ଜଣେ ଯୁବକ ଚମ୍ପଟ ମାରି ମାରିଥିବା ବେଳେ ତାକୁ ଧରିବା ଲାଗି ପୋଲିସ ପିଛା କରୁଥିବା ଜଣାପଡ଼ିଛି ! ସୂଚନା ଅନୁଯାୟୀ, ଗୋଟିଏ ମାକ୍ସ ପିକଅପ ମାଲ ବୁହା ଗାଡ଼ିରେ କିଛି ଯୁବକ ଚୋରା ଗଞ୍ଜେଇ ନେଇ ଦାରିଙ୍ଗବାଡି ଅଭିମୁଖେ ଆସୁଥିବା ନେଇ ଦାରିଙ୍ଗବାଡି ପୋଲିସକୁ ଏକ ଖବର ମିଳିଥିଲା ! ଆଉ ଖବର ମିଳିବା ପରେ ତୁରନ୍ତ ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର ଓ ସେକେଣ୍ଡ ଅଫିସର ଜିତେନ୍ଦ୍ର ବେହେରା ମିଳିତ ଭାବେ ଦାରିଙ୍ଗବାଡି ଠାରେ ଅପେକ୍ଷା କରିଥିଲେ ! ଯେତେବେଳେ ସେହି ଗାଡିଟି ଦ୍ରୁତ ଗତିରେ ଆସି ପଳେଇ ଯିବାକୁ ଚେଷ୍ଟା କରୁଥିଲା, ସେହି ସମୟରେ ପୋଲିସ ଗାଡି ସମ୍ପୃକ୍ତ ମାଲବୁହାଗାଡି ସାମ୍ନାକୁ ଯାଇ ରୋକିଥିଲା ! ପୋଲିସ ଗାଡି ଦେଖି ଯୁବକ ମାନେ ଚମ୍ପଟ ମାରିବାକୁ ଚେଷ୍ଟା କରୁଥିବା ସମୟରେ ଡ୍ରାଇଭର ଜଣକ ସେକେଣ୍ଡ ଅଫିସର ଜିତେନ୍ଦ୍ର ବେହେରାଙ୍କ ହାବୁଡ଼ରେ ପଡ଼ି ଯାଇଥିଲା !

ଏହି ସମୟରେ ପୋଲିସ ଗୋଡାଇ ଗୋଡାଇ ଜଣେ ଯୁବକକୁ କାବୁ କରିବା ସହ ଅନ୍ୟ ଜଣେ ଏବେ ବି ଫେରାର ରହିଛି ! ଏହା ସହ ଚୋରା ଗଞ୍ଜେଇ ନେଇ ଯାଉଥିବା ମାଲବୁହା ମାକ୍ସ ପିକଅପ ଗାଡି ( ଓଡ଼ି ୦୪ ଏଲ ୩୦୮୯)କୁ ପୋଲିସ ଥାନାକୁ ନେଇଛି ! ପୋଲିସ ଓ ଗଂଜେଇ ଚାଲାଣ କରୁଥିବା ଯୁବକଙ୍କ ମଧ୍ୟରେ ଧରପଗଡ଼ ଦେଖିବାକୁ ଦାରିଙ୍ଗବାଡି ଜାତୀୟ ରାଜପଥ ୫୯ ପାୱାର ହାଉସ ଛକରେ ଦେଖିବାକୁ ମିଳିଥିଲା ! ଦିନ ଦ୍ଵିପହରରେ ପୋଲିସକୁ ଚକମା ଦେଇ ଗଂଜେଇ ଚୋରା ଚାଲାଣ କରୁଥିବା ଯୁବକଙ୍କୁ ଏବେ ମହଙ୍ଗା ପଡିଛି ! ଅନ୍ୟଅଟେ ଦାରିଙ୍ଗବାଡି ପୋଲିସ କେଉଁ ଠାରୁ କେଉଁ ଅଞ୍ଚଳକୁ ଚୋରା ଗଞ୍ଜେଇ ଚାଲାଣ ହେଉଥିଲା, ଏଥିରେ କେଉଁ ମାନଙ୍କର ସମ୍ପୃକ୍ତି ରହିଛି, ମାଲବୁହା ଗାଡିଟି କାହାର, ସେ ନେଇ ଟିକିନିଖି ତଦନ୍ତ ଚଳାଇଛି !