ଜାତୀୟ ଟାଇକୋଣ୍ଡ ପ୍ରତିଯୋଗିତାରେ ଭାଗ ନେବେ ଗଞ୍ଜାମର ଶିବପ୍ରସାଦ

ଗଞ୍ଜାମ ଅନ୍ତର୍ଗତ ବ୍ଲକ ପାଳିବନ୍ଧ ପଞ୍ଚାୟତ ଗୋଖରକୁଦା ଗ୍ରାମର ବଟେଶ୍ୱର ଜେନାଙ୍କ ଏକମାତ୍ର ପୁଅ ଶିବପ୍ରସାଦ ଜେନା ଆସନ୍ତା 8 ତାରିଖରେ ଜାତୀୟ ଟାଇକୋଣ୍ଡ ପ୍ରତିଯୋଗିତାରେ ଭାଗ ନେବେ l ଏଥିପାଇଁ ଆସନ୍ତା 5 ତାରିଖରେ ତାମିଲନାଡୁ ଗ୍ରସ୍ତ କରିବେ l ଶିବପ୍ରସାଦ ସ୍ଥାନୀୟ ଜୟଶ୍ରୀ କେମିକାଲସ କନଭେଣ୍ଟ ଇଂଲିଶ ମିଡିୟମ ସ୍କୁଲରେ ଅଷ୍ଟମ ଶ୍ରେଣୀରେ ଅଧୟନ କରୁଛନ୍ତି l ଷ୍ଟାଣ୍ଡାର୍ଡ ଥ୍ରୀରେ ପାଠ ପଡୁଥିବା ବେଳେ ଟାଇକୋଣ୍ଡ ପ୍ରତି ଶିବପ୍ରସାଦଙ୍କ ଆଗ୍ରହ ବଢିଥିଲା l ପୁଅର ଆଗ୍ରହ ଦେଖି ବାପା ମା ସମସ୍ତ ସହଯୋଗ କରିବା ସହ ପ୍ରଶିକ୍ଷଣ ନିମନ୍ତେ କୋଚ ସିଏଚ ପ୍ରସାଦ ନାୟକ ଓ ଆର ଅଭିମନ୍ୟୁ ରେଡିଙ୍କ ଯୋଗାଯୋଗ କରିଥିଲେ l ସେ ଗୋଟିଏ ପରେ ଗୋଟିଏ ସଫଳତା ହାସଲ କରିଚାଲିଛନ୍ତି l ଜିଲ୍ଲା ସ୍ତରୀୟ 14 ଵର୍ଷରୁ କମ ପ୍ରତିଯୋଗିତାରେ ପୁରୁଷୋତ୍ତମପୁର ଠାରେ ଗୋଲଡ଼ ଏବଂ ପୁରୀରେ ଅନୁଷ୍ଠିତ ଏକ ପ୍ରତିଯୋଗିତାରେ ସିଲଭର ପାଇ ସମସ୍ତଙ୍କୁ ଚକିତ କରିଥିଲେ ଶିବପ୍ରସାଦ l ଏଥିସହ କେଉଁଝର ନିର୍ମାଣ କୋଭିଡ ସ୍କୁଲରେ ଅନୁଷ୍ଠିତ ରାଜ୍ୟ ସ୍ତରୀୟ ଟାଇକୋଣ୍ଡ ପ୍ରତିଯୋଗିତାରେ ଭାଗ ନେଇ ସେଠାରେ ମଧ୍ୟ ଗୋଲଡ଼ ମେଡାଲ ଜିତି ରାଜ୍ୟ ପାଇଁ ଗୌରବ ଆଣିବା ସହ ଜାତୀୟ ସ୍ତରରେ ଭାଗ ନେବା ପାଇଁ ମନୋନୀତ ହୋଇଛନ୍ତି ଶିବପ୍ରସାଦ l ତାଙ୍କର ଏହି ସଫଳତା ପାଇଁ ଗତ ଅଗଷ୍ଟ 31 ସ୍ୱାୟତ୍ତ ଶାସନ ଦିବସ ଅବସରରେ ଏନଏସି ପ୍ରଶାସନ ପକ୍ଷରୁ ଶିବପ୍ରସାଦଙ୍କୁ ମାନପତ୍ର ପ୍ରଦାନ କରାଯାଇଥିଲା l ନିଜ ସଫଳତା ପାଇଁ ବାପା ଓ ମା ଙ୍କ ପ୍ରେରଣା ଆଶ୍ରିବାଦ ଏବଂ କୋଚଙ୍କ ପ୍ରଶିକ୍ଷଣକୁ ଶ୍ରେୟ ଦେଇଛନ୍ତି ଶିବପ୍ରସାଦ l