କଣ୍ଟାମାଳ ହାଇସ୍କୁଲରେ ସାପ କାମୁଡା ପ୍ରତି ସାବଧାନ କାର୍ଯ୍ୟକ୍ରମ

ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ କଣ୍ଟାମାଳ ସରକାରୀ ଉଚ୍ଚ ବିଦ୍ୟାଳୟର ଜୁନିଅର ରେଡ଼କ୍ରସ ତରଫରୁ ସାପ କାମୁଡା ପ୍ରତି ସାବଧାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ବିଦ୍ୟାଳୟର ପ୍ରଧାନ ଶିକ୍ଷକ ପ୍ରକାଶ କୁମାର ପ୍ରଧାନଙ୍କ ସଭାପତିତ୍ବ କାର୍ଯ୍ୟକ୍ରମରେ ବିପତ୍ତି ବିପର୍ଯ୍ୟୟ ପରିଚାଳନା ସାଧନା କର୍ମୀ ବନମାଳୀ ମେହେର ତାଲିମ ଦାତା ଭାବରେ ଯୋଗଦେଇ ଥିଲେ l ପ୍ରଥମେ ସାପ କାମୁଡ଼ିଛି ବୋଲି ସୁନିଶ୍ଚିତ ହେଲା ପରେ ସାପ କାମୁଡିଥିବା କ୍ଷତ ଅଙ୍ଗକୁ କୌଣସି ପ୍ରକାର ଚଳ ପ୍ରଚଳ ନକରି ଯଥାଶୀଘ ଡ଼ାକ୍ତରଖାନାରେ ପହଁଞ୍ଚାଇ ଚିକିତ୍ସା ପାଇଁ ଡାକ୍ତରଙ୍କୁ ସହଯୋଗ କରିବା l ପ୍ରାଥମିକ ସେବା ଦ୍ବାରା ରୋଗୀକୁ ତ୍ବରିତ ପଦକ୍ଷେପ ଏବଂ ସଠିକ ଚିକିତ୍ସା ରୋଗୀକୁ ବଞ୍ଚାଇ ପାରିବ, ତେଣୁ ସମୟ ନଷ୍ଟ ନ କରି ଯଥାଶୀଘ୍ର ଡ଼ାକ୍ତରଖାନାରେ ଚିକିତ୍ସା କରିବା ଅତ୍ୟନ୍ତ ଆବଶ୍ୟକ ବୋଲି ଶ୍ରୀମାନ ମେହେର ଅଵଗତ କରିଥିଲେ l ବିଦ୍ୟାଳୟର ବିଜ୍ଞାନ ଶିକ୍ଷକ ସତ୍ୟଜିତ ପଣ୍ଡା ବିଜ୍ଞାନ ଦୃଷ୍ଟିକୋଣ ବିଷୟରେ ଛାତ୍ରଛାତ୍ରୀଙ୍କୁ ସୂଚନା ପ୍ରଦାନ କରିଥିଲେ l କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ମନୋରଞ୍ଜନ ପ୍ରଧାନ,ଆଲୋକ ପରଡିଆ,ସରୋଜ ସାହୁ,ଦୁଷ୍ମନ୍ତ ବିଶ୍ବାଳ,ଦେବସ୍ରୀତ ପ୍ରଧାନ, ଶିକ୍ଷୟତ୍ରୀ ହେମବନ୍ତି ବାଘ,ମିରବାଈ ଧରୁଆ,ଗୀତାଞ୍ଜଳୀ ସାହୁ,ସୁପ୍ରିୟା ପ୍ରିୟଦର୍ଶିନୀ ପ୍ରମୁଖ ଉପସ୍ଥିତ ଥିଲେ l ଜୁନିଅର ରେଡ଼କ୍ରସ ସ୍ୱେଚ୍ଛାସେବୀ ପ୍ରତ୍ୟାଶା ପ୍ରିୟଦର୍ଶିନୀ କୁମ୍ଭାର ପରିଚାଳନା କରିଥିଲା ବେଳେ ଶିକ୍ଷକ ସୁଜିତ କୁମାର ତରିଆ ଧନ୍ୟବାଦ ଅର୍ପଣ କରିଥିଲେ l