ମନମୁଣ୍ଡା ସୁବର୍ଣ୍ଣମେରୁ ମନ୍ଦିରର ପରିଚାଳନା ପାଇଁ ଉପଜିଲ୍ଲାପାଳଙ୍କୁ ସାକ୍ଷାତ କଲେ ମନମୁଣ୍ଡାବାସି

ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମନମୁଣ୍ଡା ସୁବର୍ଣାପାଲି ସ୍ଥିତ ବାବା ସୁବର୍ଣ୍ଣମେରୁ ମନ୍ଦିର ର ପରିଚାଳନା କମିଟି ଗଠନ ପାଇଁ ଆଜି ମନମୁଣ୍ଡା ବାସି ଉପଜିଲ୍ଲାପାଳଙ୍କୁ ସାକ୍ଷାତ କରି ଏକ ଦାବିପତ୍ର ପ୍ରଦାନ କରିଛନ୍ତି l ସୂଚନା ଅନୁସାରେ ଉକ୍ତ ବାବା ସୁବର୍ଣ୍ଣମେରୁ ମନ୍ଦିର ବହୁ ପୁରାତନ ମନ୍ଦିର ଅଟେ l ଏହି ମନ୍ଦିର ପାଇଁ ପରିଚାଳନା କମିଟି ନ ଥିବାରୁ ମନ୍ଦିର ରକ୍ଷଣାବେକ୍ଷଣ ଠିକ୍ ଭାବରେ ହୋଇ ପାରୁ ନ ଥିବା ବେଳେ କୌଣସି ପର୍ବପର୍ବାଣୀ ଠିକ୍ ଭାବରେ ପାଳିତ ହୋଇ ପାରୁ ନାହିଁ l ମନ୍ଦିର ବର୍ତ୍ତମାନ ସ୍ଥିତି ଠିକ୍ ନ ଥିବା ବେଳେ ଏହା ମୁରବିଶୁନ୍ୟ ହୋଇ ପଡ଼ି ରହିଛି l ଏଣୁ ମନ୍ଦିର ସଠିକ୍ ପରିଚାଳନା ସହ ରକ୍ଷଣାବେକ୍ଷଣ ପାଇଁ ଏକ କମିଟି ଗଠନ କରିବାକୁ ଅଞ୍ଚଳବାସୀ ଆଜି ଉପଜିଲ୍ଲାପାଳ ପ୍ରଭାସ ଚନ୍ଦ୍ର ଦଣ୍ଡସେନା ଙ୍କୁ ସାକ୍ଷାତ କରି ଏକ ଦାବିପତ୍ର ପ୍ରଦାନ କରିଛନ୍ତି l