ମୋରଡା ଥାନା ଅଞ୍ଚଳରେ ପୁଣି ଚୋରି ଅଭିଯୋଗ

ମୋରଡା : ମୟୂରଭଞ୍ଜ ଜିଲ୍ଲା ମୋରଡା ଥାନା ଅଞ୍ଚଳରେ ସକ୍ରିୟ ହୋଇ ଚୋରି ବଢିବାରେ ଲାଗିଛି । ମୋରଡା ଥାନା ଅର୍ନ୍ତଗତ ବିଭିନ୍ନ ସ୍ଥାନରେ ଚୋରି କମିବା ବଦଳରେ ବଢ଼ିଚାଲିଛି , ବିଶେଷ ଭାବେ ଚୋରମାନେ ବିଭିନ୍ନ ଗାଡିରୁ ବ୍ୟାଟେରୀ ଚୋରି କରି ନେଉଥିବା ଜଣାପଡିଛି । ଚୋର ଙ୍କ ଟାର୍ଗେଟରେ ବ୍ୟାଟେରୀ ଥିବା ବେଳେ ପୋଲିସ ଚୋର କୁ ଧରିବାରେ ବିଫଳ ହୋଇଛି l ତେବେ ଗତକାଲି ବିଳମ୍ବିତ ରାତିରେ ମୋରଡା ପଞ୍ଚାୟତ ର ପଳାଶବଧା ଗ୍ରାମର ଭଞ୍ଜ ମହାନ୍ତ ଙ୍କ ଘର ବାହାରେ ଥିବା ଏକ ଟାଟା ଏସି ଟେମ୍ପୋ ରୁ ଦୃବୃତ୍ତ ମାନେ ବ୍ୟାଟେରୀ ଚୋରି କରି ନେଇଥିବା ଗଣମାଧ୍ୟମ ଆଗରେ ଅଭିଯୋଗ କରିଛନ୍ତି ।

ତେବେ ହଠାତ୍ ଭଞ୍ଜ ମହାନ୍ତ ଙ୍କ ବାପା ଙ୍କ ଦେହ ଅସୁସ୍ଥ ହେବାରୁ ସେ ବାପାଙ୍କୁ ବାରିପଦା ମେଡିକାଲ ନେଇଥିବା ରୁ ଥାନାରେ ଅଭିଯୋଗ କରିନଥିବା ସୂଚନା ଦେଇଛନ୍ତି । ତେବେ ଗୋଟିଏ ମାସ ଭିତରେ ଅନେକ ସ୍ଥାନରେ ଚୋରି ହୋଇଥିବା ବେଳେ ପୋଲିସ ହାତ ଖାଲି । ତେବେ ବାରମ୍ବାର ଚୋରି ହେବାରୁ ସ୍ଥାନୀୟ ଲୋକଙ୍କ ମଧ୍ୟରେ ଦିନକୁ ଦିନ ଅସନ୍ତୋଷ ବଢ଼ିବାରେ ଲାଗିଥିବା ଦେଖିବାକୁ ମିଳିଛି । ତେବେ ପୋଲିସ ଚୋରକୁ ଟାର୍ଗେଟ କରୁଛି ନା ଚୋର ପୋଲିସ କୁ ଟାର୍ଗେଟ କରି ଚୋରି କରୁଛି ବୋଲି ହେଉଛି ଆଲୋଚନା । ତେବେ ଆଗକୁ ପୋଲିସ କଣ ପଦକ୍ଷେପ ନେଉଛନ୍ତି ଦେଖିବାକୁ ବାକି ରହିଲା ।