ନୂଆପଡାରେ ବୈତରଣୀ ବ୍ୟାରେଜ ପ୍ରସ୍ତାବ ଅନୁଧ୍ୟାନ କଲେ ପ୍ରତିନିଧି ଦଳ

ପାଟଣା : ପାଟଣା ବ୍ଲକ ଅନ୍ତର୍ଗତ ଟାଙ୍ଗରପଡା ପଞ୍ଚାୟତ ନୂଆପଡା ଠାରେ ବୈତରଣୀ ରେ ବ୍ୟାରେଜ ବା ନଦୀବନ୍ଧ ସ୍ଥାପନ ପାଇଁ ପାଟଣାବାସୀ ଦାବି କରି ଆସୁଥିବା ବେଳେ ମଙ୍ଗଳବାର ଜଳ ସମ୍ପଦ ବିଭାଗ ର ଏକ ଉଚ୍ଚ ସ୍ତରୀୟ ପ୍ରତିନିଧି ଦଳ ଏହି ସ୍ଥାନ ପରିଦର୍ଶନ କରିଛନ୍ତି। ଉଦଳା ସବଡିଭିଜନ ଏସଇ ବିକ୍ରମ କିଶୋର ମଲ୍ଲିକ,ସହକାରୀ ଯନ୍ତ୍ରୀ ସୁନାରାମ ସିଂ ଓ କନିଷ୍ଠ ଯନ୍ତ୍ରୀ ଜ୍ୟୋତିରଂଜନ ସାହୁ ପ୍ରମୁଖ ନୂଆପଡାରେ ବ୍ୟାରେଜ ନିର୍ମାଣ ଭିତ୍ତିଭୂମି ତନଖି କରିଛନ୍ତି ଓ ରିପୋର୍ଟ ସରକାରଙ୍କୁ ଦିଆଯିବ ବୋଲି ସୂଚନା ମିଳିଛି। ପ୍ରତିନିଧି ଦଳକୁ ସରପଞ୍ଚ ଅନିରୁଦ୍ଧ ନାଏକ,ଦୁର୍ଗା ଚରଣ ନାୟକଙ୍କ ସହିତ ଗ୍ରାମବାସୀ ମାନେ ସହଯୋଗ କରିଥିଲେ।