ପଶ୍ଚିମ ଓଡ଼ିଶାର ନିଆରା ଯାତ୍ରା କାଦୋ

କଥାରେ ଅଛି ୧୨ ମାସକୁ ୧୩ ପର୍ବ । ଆଉ ଏହି ୧୩ ପର୍ବ ମଧ୍ୟରୁ ପଶ୍ଚିମ ଓଡ଼ିଶାରେ ହେଉଥିବା କାଦୋ ଯାତ୍ରା ଅନ୍ୟତମ । କାଦୋ ଯାତ୍ରା ବଲାଙ୍ଗିର ସଦର ବ୍ଲକ ଅନ୍ତର୍ଗତ ଜନକ ପୁରରେ ଗ୍ରାମବାସୀଙ୍କ ଦ୍ୱାରା ନିଆରା ଢଙ୍ଗରେ କରାଯାଇଥାଏ । ତଳି ରୁଆ ସମୟରେ କିଛି ତଳି ନେଇ ଗ୍ରାମର ଇଷ୍ଟଦେୀ ମାଁ ମାଉଲୀ ଓ ଇଷ୍ଟ ଦେବତା ବାବା ବୁଢା ଡ଼ଙ୍ଗରଙ୍କ ମନ୍ଦିରକୁ ଢୋଲ୍‌ ମୁହୁରୀ ଆଦି ବିଭିନ୍ନ ପ୍ରକାରର ବାଜା ବଜାଇ ନିଆରା ଢଙ୍ଗରେ ପୂଜା କରାଯାଇଥାଏ । ଗ୍ରାମର ମୁଖିଆ ତଥା ଜିଲ୍ଲା କୃଷକ ସଂଘର ସଭାପତି ଚଗଲା ପରିଚ୍ଛାଙ୍କ ଉପସ୍ଥିତିରେ ଗ୍ରାମର ଝାଙ୍କରଙ୍କ ଘରୁ ଇଷ୍ଟଦେବୀ ଓ ଇଷ୍ଟଦେବତାଙ୍କ ପାଇଁ ସ୍ୱତନ୍ତ୍ର ଭୋଗ ଆସିଥାଏ ଓ ଏହି ପୂଜା କରାଯାଇଥାଏ । ତା’ ପରେ ଚାଷୀ ମାନେ ତୁଳିକୁ ନେଇ ନିଜ ଚାଷ ଜମିରେ ରୁଇ ଥାଆନ୍ତି । ଏହାର ମହତ୍ୱ ହେଲା ଯେ ଗ୍ରାମର ଇଷ୍ଟଦେବତା ଓ ଇଷ୍ଟଦେବୀଙ୍କ କୃପା ହେଲେ ହିଁ ଚାଷୀ ମାନଙ୍କ ଚାଷ ଭଲ ହୋଇଥାଏ । ତେଣୁ କରି ଏହି ପୂଜା ପ୍ରତିବର୍ଷ କରାଯାଇଥାଏ । ଅନ୍ୟପଟେ ଏହି ଯାତ୍ରାକୁ ଦେଖିବା ପାଇଁ ସହ ସହ ଭକ୍ତଙ୍କ ଭିଡ଼ ପରିଲକ୍ଷିତ ହୋଇଛି