ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ୍ ବିଲାସପୁର ପଞ୍ଚାୟତ ଅନ୍ତର୍ଗତ ବିଚିକା ଗ୍ରାମରେ ଥିବା ନଳକୂଅ ଗତ ଏକ ମାସରୁ ଅଧିକ ଦିନ ହେଲାଣି ଅଚଳ ହୋଇ ପଡ଼ିରହିଛି l ବହୁତ୍ ପରିଶ୍ରମ ପରେ ଅଳ୍ପ ପାଣି ବାହାରୁ ଥିବା ଯୋଗୁଁ ଲୋକେ ପାଣି ପାଇଁ ହଇରାଣ ହେଉଥିବା ଅଭିଯୋଗ କରିଛନ୍ତି l ଏହି ଗାଁର ପାଖାପାଖି ୨୦ ଟି ପରିବାର ଏହି ନଳକୂଅ ଉପରେ ନିର୍ଭର କରିଥାନ୍ତି l ପାଣି ବାହାରୁ ନଥିବାରୁ ସେମାନେ ୫୦୦ ମିଟର ଦୂରରେ ଥିବା ପୋଖରୀକୁ ପାଣି ଆଣିବାକୁ ଯାଉଛନ୍ତି l ପୋଖରୀରୁ ଦୂଷିତ ପାଣି ପିଇ ନାନା ପ୍ରକାର ରୋଗରେ ଆକ୍ରାନ୍ତ ହେବାର ଆଶଙ୍କା ଥିବା ଗ୍ରାମବାସୀ ଅଭିଯୋଗ କରିଛନ୍ତି l ନଳକୂଅକୁ ମରାମତି ପାଇଁ ସ୍ଥାନୀୟ ନଳକୂଅ ମରାମତି କର୍ମଚାରୀଙ୍କ ଠାରୁ ଆରମ୍ଭ କରି ବିଭାଗୀୟ ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ ସୁଦ୍ଧା ଏହାର ସମାଧାନ ହେଉ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି l ଏ ସମ୍ପର୍କରେ ବିଳାସପୁର ସରପଞ୍ଚ ଅମ୍ବିକା ସୁନା ଙ୍କୁ ପଚରା ଯିବାରୁ ଶୀଘ୍ର ନଳକୂଅ ମରାମତି କରି କାର୍ଯ୍ୟକ୍ଷମ କରାଯିବ ବୋଲି ସେ କହିଥିଲେ l
More Stories
ମେମ୍ବର ସିପ୍ ଡ୍ରାଇଭକୁ ନେଇ ମହାନଗର ବିଜେଡିର ଜରୁରୀକାଳୀନ ବୈଠକ
୧୪ ନମ୍ୱର ୱାର୍ଡ କର୍ପୋରେଟରଙ୍କ ଦଶହରା ଉପହାର ବଣ୍ଟନ
ରାଜ୍ୟ ଉପ ସଭାପତିଙ୍କ ଦ୍ଵାରା ବିଜେଡିର ଜନସମ୍ପର୍କ ପଦଯାତ୍ରା ଆରମ୍ଭ