ପ୍ରେସ କ୍ଳବ ବ୍ରହ୍ମପୁରର ନବ ନିର୍ବାଚିତ ସଦସ୍ୟଙ୍କୁ ସମ୍ବର୍ଦ୍ଧନା

ବ୍ରହ୍ମପୁର : ଆଜି ପୂର୍ବାହ୍ନରେ କମାପଲ୍ଲୀ ସ୍ଥିତ ବ୍ରହ୍ମପୁର ପୁଲିସ ଜିଲ୍ଲାର ହାବିଲଦାର ଓ କନେଷ୍ଟବଳ ସଂଘ କାର୍ଯ୍ୟାଳୟରେ ପ୍ରେସ କ୍ଳବ ବ୍ରହ୍ମପୁରର ନବ ନିର୍ବାଚିତ ସଦସ୍ୟଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଜଣାଇଛି । ସରଜେଣ୍ଟ ପ୍ରସନ୍ନ ଦାଶ ,ଆରଏଏଆଇ ଶିଶିର କୁମାର ଦାଶ ଉକ୍ତ ପ୍ରେସ କ୍ଲବର ନବ ନିର୍ବାଚିତ ସଭାପତି ଅଶୋକ ବ୍ରହ୍ମା, ଉପସଭାପତି ଅଭୟ କୁମାର ପାଢ଼ୀ, ସମ୍ପାଦକ ପ୍ରହଲ୍ଲାଦ ସାହୁ, ଯୁଗ୍ମ ସମ୍ପାଦକ ଡ଼ି.ଗୋପାଳ ରେଡ୍ଡୀ ଓ କୋଷାଧ୍ୟକ୍ଷ ଶିବ ନାରାୟଣ ପଣ୍ଡାଙ୍କୁ ଉପଢୌକନ ଦେଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଏହି ଅବସରେ ହାବିଲଦାର ଓ କନେଷ୍ଟବଳ ସଂଘର ସଭାପତି ନୟନ ରଞ୍ଜନ ଆଚାଯ୍ୟ, ସମ୍ପାଦକ ପ୍ରଶାନ୍ତ କୁମାର ମହାର୍ଥା,ଉପସଭାପତି ଶ୍ରୀକାନ୍ତ ପଣ୍ଡା, କୋଷାଧ୍ୟକ୍ଷ ଏ ଶ୍ରୀନିବାସ ପାତ୍ର,ସିଇସି ମେମ୍ବର ଗୌରୀ ଶଙ୍କର ମିଶ୍ର,ଏସ,ରବି ରେଡ଼ି,ନିରଞ୍ଜନ ଗୌଡ଼, ରାଜୀବ ଲୋଚନ ସ୍ୱାଇଁ, ପିଙ୍କୁ ସାହୁ, ବୃନ୍ଦାବନ ସାହୁ,ଏମଡ଼ି ଅହମଦ,ରାଜ୍ ଶେଖର, ପୂର୍ଣ୍ଣଚନ୍ଦ୍ରରେଡ଼ିଙ୍କ ସମେତ ବହୁ ସଦସ୍ୟ ଉପସ୍ଥିତ ଥିଲେ । ସେହିପରି ଆଜି ହାବିଲଦାର ଓ କନେଷ୍ଟବଳ ସଂଘ ସଦସ୍ୟମାନେ ନିଜ ସଂଘ କାର୍ଯ୍ୟାଳୟରେ ପୂଜାର୍ଚ୍ଚନା କରି ଗୃହ ପ୍ରବେଶ କରିଥିଲେ ।