ରାଜ୍ୟରେ ବନ୍ୟା ସ୍ଥିତି ନାହିଁ : ଜଳସମ୍ପଦ ସର୍ବୋଚ୍ଚ ଯନ୍ତ୍ରୀ

ହୀରାକୁଦ ଜଳଭଣ୍ଡାରୁ ବନ୍ୟାଜଳ ନିଷ୍କାସନ ପରେ ତଳମୁଣ୍ଡରେ ଫୁଲୁଛି ମହାନଦୀ । ତଥାପି ରାଜ୍ୟରେ ବନ୍ୟା ସ୍ଥିତି ନଥିବା କହିଛନ୍ତି ସର୍ବୋଚ୍ଚ ଜଳସମ୍ପଦ ଯନ୍ତ୍ରୀ । ହୀରାକୁଦରେ ପାଣି କମୁଥିବାରୁ ବନ୍ୟା ଆଶଙ୍କା ନାହିଁ । ଏବେ ମୁଣ୍ଡଳିରେ ପାଣି ରାଇଜିଂ ଟ୍ରେଣ୍ଡରେ ରହିଛି, ଅତିବେଶୀରେ ୫ ଲକ୍ଷ କ୍ୟୁସେକ ଜଳ ପ୍ରବାହିତ ହେବ ।

ଏଣୁ କୌଣସି ବିପଦ ନଥିବା ସେ କହିଛନ୍ତି । ସେପଟେ ଜଳସଂପଦ ବିଭାଗର ବନ୍ୟାପ୍ରକୋଷ୍ଠ ବୁଲି ସମୀକ୍ଷା କରିଛନ୍ତି ଜଳସମ୍ପଦ ବିଭାଗର ପ୍ରମୁଖ ସଚିବ ଅନୁ ଗର୍ଗ । ରାଜ୍ୟରେ ବନ୍ୟାସ୍ଥିତି ନଥିଲେ ମଧ୍ୟ ଜିଲ୍ଲାପାଳ ମାନଙ୍କୁ ସଜାଗ ରହିବାକୁ ଅନୁ ଗର୍ଗ କହିଛନ୍ତି । ସେପଟେ କଟକ ମୁଣ୍ଡଳିରେ ବଢୁଛି ମହାନଦୀର ଜଳସ୍ତର ।