ରାସ୍ତା କାର୍ଯ୍ୟ ନେଇ ୧୨ ଘଣ୍ଟିଆ ଚୌଦ୍ୱାର ବନ୍ଦ ଡାକରା

ଚୌଦ୍ୱାର : ଚୌଦ୍ୱାର ଜାଗରଣ ମଂଚ ର ବାରମ୍ବାର ଦାବି ଓ ଆନ୍ଦୋଳନ ସତ୍ୱେ ରାଜପଥ କତ୍ତୃପକ୍ଷ ଙ୍କ ଉଦାସୀନତା ଓ ପ୍ରକଳ୍ପ ଅଫିସ ଘେରାଉ ସମ୍ପର୍କ ରେ ସାମ୍ବାଦିକ ସମ୍ମିଳନୀ | ଆଜି ଚୌଦ୍ୱାର ଜାଗରଣ ମଂଚ ପକ୍ଷ ରୁ ସଂଯୋଜକ ଶ୍ରୀକାନ୍ତ ପାକଳ, ସଦସ୍ୟ ପ୍ରଦୀପ ନାୟକ ଙ୍କ ନେତୃତ୍ୱ ରେ ଚୌଦ୍ୱାର ରୁପଯାତ୍ରା କମିଟି ଗୃହ ରେ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି | ଚୌଦ୍ୱାର ମଧ୍ୟ ଦେଇଯାଇଥିବା ୫୫ ନମ୍ବର ଜାତୀୟ ରାଜପଥ ସାଧାରଣ ଲୋକଙ୍କ ନିଦ ହଜାଇଦେଇଛି | ଜାତୀୟ ପ୍ରକଳ୍ପ ଅଧିକାରୀ ଙ୍କ ନୀରବତା କୁ ନେଇ ଶେଷ ରେ ଚୌଦ୍ୱାର ଜାଗରଣ ମଂଚ ପକ୍ଷ ରୁ କଠୋର ନିଷ୍ପତ୍ତି ନେବାକୁ ଯାଉଛନ୍ତି | ଯାହାକୁ ନେଇ ଆଜି ଏକ ସାମ୍ବାଦିକ ସମ୍ମିଳନୀ ଡାକି ଜାତୀୟ ରାଜପଥ ପ୍ରକଳ୍ପ ଅଧିକାରୀ ଙ୍କୁ ଚେତାବନୀ ଦେଇଛନ୍ତି ମଂଚ ର ସଦସ୍ୟ ମାନେ | ଯଦି ଆଗାମୀ ଦିନ ରେ ପ୍ରତିଶୃତି ଅନୁଯାୟୀ ୩ ମାସ ମଧ୍ୟ ରେ ଚୌଦ୍ୱାର ର ୬ କିମି ରାସ୍ତା କୁ ସଠିକ ଢଙ୍ଗ ର ନିର୍ମାଣ କରାନଯାଏ , ତେବେ ୯-୯-୨୪ ରିଖ ସୋମବାର ରେ ଢେଙ୍କାନାଳ ସ୍ଥିତ ପ୍ରକଳ୍ପ ଅଫିସ ଘେରାଉ କରାଯିବ | ଏହାପରେ ବି ଯଦି ପ୍ରକଳ୍ପ ଅଧିକାରୀ ଙ୍କ ନିଦ ନ ଭାଙ୍ଗେ ତେବେ ୧୫ ତାରିଖ ପରେ ୧୨ ଘଣ୍ଟିଆ ଚୌଦ୍ୱାର ବନ୍ଦ ସାଙ୍ଗ କୁ ୫୫ ନମ୍ବର ଜାତୀୟ ରାଜପଥ କୁ ସମ୍ପୂର୍ଣ୍ଣ ବନ୍ଦ କରାଯିବ ବୋଲି ଚେତାବନୀ ଦେଇଛି ଜାଗରଣ ମଂଚ | ଏହି ସାମ୍ବାଦିକ ସମ୍ମିଳନୀ ରେ ଜାଗରଣ ମଂଚ ର ବୁଲବୁଲ ସାହୁ , ପ୍ରତାପ ଜେନା , ହରିହର ବେଉରା , ସୁରେଶ ରାଉତ ରାୟ , ଭୀମସେନ ବିଶ୍ୱାଳ , ରମେଶ ନାୟକ , ଗୌତମଭାନୁ , ଜୟ ସିଂ , ରବୀନ୍ଦ୍ର ନାଥ ସାହୁ , ପ୍ରମୁଖ ଙ୍କ ସହ ବହୁ ସଦସ୍ୟ ଉପସ୍ଥିତ ରହିଥିଲେ |