ରାୟଗଡା ଜିଲ୍ଲା ଗୁଣୁପୁର ବଂଶଧାରା ନଦୀ କୂଳରେ ବିଦେଶୀ ପକ୍ଷୀଙ୍କ ଭିଡ଼

ରାୟଗଡା ଜିଲ୍ଲା ଗୁଣୁପୁର ବଂଶଧାରା ନଦୀ କୂଳରେ ଥିବା ଭାଲେରି ଗାଁରେ ଏବେ ବିଦେଶୀ ପକ୍ଷୀଙ୍କ ଭିଡ଼ ଦେଖିବାକୁ ମିଳିଛି I ଦୀର୍ଘ 40 ବର୍ଷ ହେଲା ସାଇବେରିଆ ପକ୍ଷୀ ଏଠାକୁ ଆସି ଶୀତ ଶେଷ ପର୍ଯ୍ୟନ୍ତ ରହୁଛନ୍ତି । ଏ ମଧ୍ୟରେ ଅଣ୍ଡା ଦେଇ ଛୁଆ କରୁଛନ୍ତି। ଗଲାବେଳେ ସାଙ୍ଗରେ ଛୁଆଙ୍କୁ ନେଇ ଫେରୁଛନ୍ତି ।ପ୍ରତି ବର୍ଷ ଜୁନ ମାସ ବେଳକୁ ଏହି ପକ୍ଷୀ ଗୁଡିକ ଆସିଥାନ୍ତି ,ଏହି ପକ୍ଷୀ ଆସିଲେ ମୌସୁମି ର ଆଗମନ ହୁଏ ବୋଲି ଗ୍ରାମବାସୀ ଜାଣି ଚାଷ କାର୍ଯ୍ୟ ପାଇଁ ପ୍ରସ୍ତୁତ ହୋଇଥାନ୍ତି । ଯେତିକି ସମୟ ପକ୍ଷୀ ଏଠାରେ ରହୁଛନ୍ତି ସେମାନଙ୍କ କୋଳାହଳ ଓ ପକ୍ଷୀଙ୍କ ମିଳନରେ ଆକର୍ଷିତ ହୋଇ ଉଠୁଛି ନଈ ପଠାରେ ଥିବା ଭାଲେରୀ ଗାଁ । ଦଳ ଦଳ ସାଇବେରିଆ ପକ୍ଷୀଙ୍କ କୋଳାହଳରେ ଗାଁ ପରିବେଶ ଚଳଚଞ୍ଚଳ ହୋଇରହୁଛି। ଗତ କିଛି ବର୍ଷ ହେଲା ଏହି ସମୟରେ ଏଠି ସାଇବେରିଆ ପକ୍ଷୀ ଙ୍କ ସଂଖ୍ୟା କମିବାରେ ଲାଗିଛି । ଶିକାରୀଙ୍କ ଭୟ ଥିବାରୁ ପକ୍ଷୀଙ୍କ ସଂଖ୍ୟା ବର୍ଷକୁ ବର୍ଷ କମିବାରେ ଲାଗିଛି। ଦୀର୍ଘ 40 ବର୍ଷ ହେଲା ବିଦେଶୀ ପକ୍ଷୀମାନେ ଏଠାକୁ ଆସୁଛନ୍ତି। ଏହାକୁ ପ୍ରକୃଷ୍ଟ ଆଶ୍ରୟସ୍ଥଳି ମନେକରି ବିଦେଶୀ ପକ୍ଷୀ ଏଠାକୁ ଆସୁଛନ୍ତି । ଯାହାକି କୃତ୍ରିମ ଚିଲିକାର ଭ୍ରମ ସୃଷ୍ଟି କରୁଛି । କିଛି ମାସ ତଳେ ଆସିଥିବା ପକ୍ଷୀ ଏବେ ଅଣ୍ଡା ଦେଇ ଛୁଆ କରିଛନ୍ତି । ଏମାନଙ୍କ ସୁରକ୍ଷା ଦିଗରେ ବନ ବିଭାଗ ପକ୍ଷରୁ କୌଣସି ପଦକ୍ଷେପ ନିଅଯାଇନଥିବା ଅଭିଯୋଗ କରିଛନ୍ତି ଗ୍ରାମବାସୀ । ଅପରପକ୍ଷେ ସାଇବେରିଆ ପକ୍ଷୀ ଙ୍କ ସୁରକ୍ଷା ନିମନ୍ତେ ସମସ୍ତ ପଦକ୍ଷେପ ନିଆଯାଇଥିବା ପ୍ରକାଶ କରିଛନ୍ତି ବନ ବିଭାଗ ଅଧକାରୀ ।