ରେଳ ଧାରଣା ଡ୍ରେନରୁ ଅଜଣା ମହିଳାଙ୍କ ମୃତ ଦେହ ଉଦ୍ଧାର, ହତ୍ୟା ସନ୍ଦେହ

ଛେଣ୍ଡିପଦା : ଅନୁଗୋଳ ଜିଲ୍ଲା ଜରପଡା ଥାନା ଦେଇ ଯାଇଥିବା ଅନୁଗୋଳ ଛେଣ୍ଡିପଦା ପୂର୍ତ୍ତ ବିଭାଗ ରାସ୍ତାର ରେଲୱେ ଉଭର ବ୍ରିଜ ନିକଟରୁ ଅଜଣା ମହିଳାଙ୍କର ଏକ ମୃତ ଦେହକୁ ପୋଲିସ ଉଦ୍ଧାର କରିଛି l ଘଟଣାରୁ ପ୍ରକାଶ ଜରପଡା ରେଲୱେ ଉଭରବ୍ରିଜ ନିକଟସ୍ଥ ରେଳ ଧାରଣା ନିକଟରେ ଗାଈ ଚାରାଳି ମାନେ ଗାଈ ଚରାଉଥିବା ବେଳେ ରେଳ ଧାରଣା ଡ୍ରେନରେ ଥିବା ପୋଲ ତଳେ ଜଣେ ଯୁବତୀଙ୍କ ମୃତ ଦେହ ପଡ଼ିଥିବା ଦେଖିବାକୁ ପାଇଥିଲେ l ଏନେଇ ଜରପଡା ପୋଲିସ ଖବର ପାଇ ଘଟଣା ସ୍ଥଳରେ ପହଁଚି ଯୁବତୀଙ୍କ ମୃତ ଦେହ ପଡ଼ିଥିବା ଦେଖି ରେଲୱେ ପୋଲିସକୁ ଖବର ଦେଇଥିଲେ l ଖବର ପାଇ ରେଲୱେ ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଚଳାଇଛି l ମୃତ ଦେହ ଟି ତିନି ଚାରି ଦିନ ତଳେ ହୋଇଥିବା ବେଳେ ପାରି ପାରିପାର୍ଶ୍ଵିକ ସ୍ଥିତିରୁ କେହି ହତ୍ୟା କରି ପୋଲ ତଳେ ରଖି ଥିବା ପୋଲିସ ସନ୍ଦେହ କରିଛି l ମହିଳାଙ୍କ ମୃତ ଦେହ ଡ୍ରେନ ପୋଲ ତଳେ ଥିବା ବେଳେ ମୁହଁରେ କାଦୁଅ ମାଟି ଘୋଡାଇ ଦିଆଯିଥିବାରୁ ମହିଳାଙ୍କ ପରିଚୟ ମିଳିପାରିନାହିଁ l