WATCO ପାଇଁ ରାସ୍ତା ଖାଲ ଖମା ରେ ପରିପୂର୍ଣ୍ଣ

ଜନ ସାଧାରଣ ଙ୍କୁ ଅନାଇ ରହିଛି ମରଣ ଗାତ, ବର୍ଷା ଜଳରେ ବୁଡ଼ି ରହୁଛି ଖାଲ l ମରଣ ଜନ୍ତା ପାଲଟିଛି ବ୍ୟାସନଗରର ସମସ୍ତ ରାସ୍ତା l ଜୀବନ କୁ ପାଣି ଛଡେଇ ଯାତାୟାତ କରୁଛନ୍ତି ଜନ ସାଧାରଣ ଓ ଛାତ୍ର ଛାତ୍ରୀ l ବିପଦ ସଙ୍କୁଳ ଅବସ୍ଥା ରେ ପଡି ରହିଛି ବିଦ୍ୟୁତ୍ ତାର, ଜେନେରେଟର, ଜୀବନ କୁ ପାଣି ଛଡେଇ କାର୍ଯ୍ୟ ରେ ଲାଗିଛନ୍ତି, ପେଟି ଠିକାଦାରଙ୍କ ଅଣଅଭିଜ୍ଞ କର୍ମଚାରୀ l ଯେଉଁ ମାନଙ୍କର ନାଁ ଅଛି ଶ୍ରମିକ ପାଞ୍ଜିକରଣ ନାଁ ସୁରକ୍ଷା ବଳୟ l କାର୍ଯ୍ଯ ସମ୍ପାଦନ ବେଳେ ଜୀବନ ଚାଲିଗଲେ ଉତ୍ତରଦାୟି କେହି ନାହାନ୍ତି lଖାଲି ଏତିକି ନୁହେଁ ଏକା ବେଳେ ରାସ୍ତାର ଚତୁପାର୍ଶ୍ଵରେ କାର୍ଯ୍ୟ କରୁଛନ୍ତି BPCL ଗ୍ୟାସ ପାଇପ୍, WATCOର ପାଣି ପାଇପ୍ ଓ TPNODL ର କେବୁଲ୍ ଏହି ସବୁ କମ୍ପାନୀ ଠିକା ସୂତ୍ର ରେ ସ୍ୱଳ୍ପ ବଜେଟ ରେ ଲାଭ ଆଶା ରେ ପେଟି ଠିକାଦାରଙ୍କୁ କାର୍ଯ୍ୟ ହସ୍ତାନ୍ତର କରିଛନ୍ତି l ଯାହା ଫଳରେ ନିଅଣ୍ଟିଆ ଅର୍ଥରେ ପେଟି ଠିକାଦାର ମାନେ ଜେନେ ତେନେ କାର୍ଯ୍ୟ କୁ ତରବରିଆ ଭାବରେ ସାରିବାକୁ ଚେଷ୍ଟା କରୁଛନ୍ତି l ଏତଦ୍ୱାରା କେଉଁଠି ପାଣି ପାଇପ୍ ଲିକ୍ କରୁଛୁ ତ କେଉଁଠୀ ଖାଲ ହୋଇ ରହିଛି, ରାସ୍ତାର ଉଭୟ ପାର୍ଶ୍ବରେ ଗତ୍ର ହେବା ଦ୍ବାରା ଡ୍ରେନ୍ ଗୁଡ଼ିକ ଭାଙ୍ଗି ଯାଉଛି , ନର୍ଦ୍ଦମାର ନିଷ୍କାସନ ଦୂଷିତ ଜଳ ବର୍ଷା ଜଳ ଶହ ମିଶି କାଦୁଆ ହୋଇ ରହୁଛି l ପାଣି ରାସ୍ତା ରେ ଜମିବା ଫଳରେ ଗାଡି ମଟର ବା ପିଲାମାନ ସାଇକେଲ ନେଇ ଗଲେ ଦୃଘଟଣା ର ଶିକାର ହେଉଛନ୍ତି l
ଏହି କାରଣ ରୁ ୧୯ ନମ୍ୱର ଓ ୨୨ ନମ୍ୱର ଗ୍ରାମବାସୀ ପେଟି ଠିକାଦାର ଙ୍କୁ କାର୍ଯ୍ୟ ତାଲିକା ମାଗିବା ସହ ସ୍ଥାୟୀ ସମାଧାନ ଦାବୀ କରିଛନ୍ତି l
ଜନ ସାଧାରଣଙ୍କ ନଜର ରେ ଅବହେଳିତ ରାସ୍ତା ଓ ବେନିୟମ କାର୍ଯ୍ୟରେ ନିଯୁକ୍ତି ଓ ଚୁକ୍ତି ହୋଇଥିବା ସଂସ୍ଥା କର୍ମଚାରୀଙ୍କ ଦୁର୍ନୀତି କାର୍ଯ୍ୟ କୁ ବିରୋଧ କରିଥିବା ବେଳେ ଜନ ପ୍ରତିନିଧି ଓ ଅଧିକାରୀ ଏହି ଅସୁରକ୍ଷିତ କାର୍ଯ୍ୟକୁ ନଜର ଏଡାଇ ଦେଉଛନ୍ତି l ଏଥିରୁ ଦୁର୍ନୀତିର ଗନ୍ଧ ସ୍ପଷ୍ଟ ବାରି ହେଉଛି ଯେ ମିଲିଭଗତ ରେ ସଲା ସୁତୁରାରେ ଲୋକଙ୍କୁ ମରଣ ମୁହଁ କୁ ଠେଲି ଦିଆ ଯାଉଛି l ଏହାର ଯଦି ସ୍ଥାୟୀ ସମାଧାନ ନ ହୁଏ ତେବେ ଏହି କାର୍ଯ କୁ ୨୬ ଗୋଟି ୱାର୍ଡରେ ବିରୋଧ କରାଯିବ ବୋଲି ଜନ ସାଧାରଣ ନିଜର କ୍ଷୋଭ ପ୍ରକାଶ କରିଛନ୍ତି l